Con esta frase, o ministro español de Transportes, José Luis Ábalos, deu por feito nunha rolda de prensa por videoconferencia que España deixou atrás o pico de falecidos diarios por culpa da COVID-19.
Este luns sumáronse 637 mortos, o que eleva o total de vítimas mortais por encima das 13.000, a cantidade máis baixa desde o pasado 24 de marzo. Rexistráronse case 4.300 novos casos, 2.000 menos que o día anterior. Na nova fase da pandemia, o Goberno centrará os seus esforzos en facer test masivos á poboación e en illar aos infectados asintomáticos, posiblemente en hoteis, para evitar que propaguen a enfermidade.
A perspectiva de que se alongue a corentena máis aló do 26 de abril divide á poboación. Se España se mira no espello de Italia, que leva unha semana de adianto na pandemia, o Executivo dese país exponse prolongar o confinamento (que conclúe o 13 de abril) ata principios de maio e unha reapertura gradual das actividades para mediados do mesmo mes.