A vicepresidenta segunda e ministra de Traballo, Yolanda Díaz, mantivo este sábado un encontro no Vaticano co papa Francisco no que conversou co pontífice do modo no que España saíu da crise do coronavirus, así como de traballo, emprego e ecoloxía. «Foi un encontro moi emocionante e debo de ser respectuosa e non lles vou a poder revelar o contido da conversación co Santo Pai», referiu Yolanda Díaz tras a reunión posterior cos xornalistas na Praza de San Pedro. Durante a visita, que durou uns 40 minutos e que se celebrou no palacio apostólico do Vaticano, o papa e Díaz coincidiron en sinalar que o traballo debe ser decente e a necesidade de dispoñer de marcos lexislativos que prioricen ao traballador como a mellor ferramenta de inclusión social. Tamén compartiron a idea de que o emprego debe ter dereitos e ser de calidade.
39