A Casa dá Cultura de Carral acolleu o acto central do XXIII Premio de Poesía Concello de Carral. Por unha banda, o acto serviu para conceder o galardón da presente edición, que recaeu nas mans de Manuel López Rodríguez pola súa obra Nas pulsacións. Polo outro, o evento levou a cabo a presentación de En luz escrita de Xurxo Alonso, poemario que gañou o premio o pasado ano, e que pasará a formar parte da colección de Edicións Espiral Maior.
Como en anos anteriores, o Concello contará coa colaboración económica da Xunta de Galicia para a edición da obra gañadora do certame de poesía. Á entrega acudiron membros do goberno local do Concello de Carral, o director xeral de Políticas Culturais da Xunta de Galicia, Anxo Lorenzo, e o responsable de Edicións Espiral Maior, Fernán Vello.
Debido á situación sanitaria, o evento contou cun aforo reducido. A diferenza doutras edicións, e co fin de extremar as precaucións pola COVID-19, non se realizou ningún tipo de intervención artística. Ao final, o público asistente recibiu exemplares de En luz escrita e tiveron ocasión de conseguir a firma do seu autor, Xurxo Alonso.