- Jimena Chao Lado foi a gañadora da IX edición do certame, e a súa postal será a imaxe oficial de Nadal do Concello para o ano 2021
Este mércores entregáronse na Casa da Cultura de Vimianzo os premios do IX Concurso Anual de Postais de Nadal, dirixido á rapazada de educación Infantil e Primaria. En total participaron 80 postais, e todos os gañadores recibiron como agasallo material didáctico.
Jimena Chao Lado, de 8 anos de idade, alzouse co primeiro premio. A obra desta alumna do CEIP Baíñas será a imaxe oficial de Nadal do Concello para o ano 2021. Así mesmo, en cada unha das catro categorías do concurso establecéronse dúas persoas premiadas:
Categoría A (4º,5º e 6º Educación Infantil): Joey Trillo Amigo do E.I. Carnés, e Carla Baña Rodríguez do CEIP San Vicenzo.
Categoría B (1º e 2º Educación Primaria): Carmen Manuela Lavandeira Trillo e Raúl Platas Vázquez, ambos do CEIP San Vicenzo.
Categoría C (3º e 4º Educación Primaria): Mateo Monteagudo Mouzo, do CEIP San Vicenzo, e Jimena Chao Lado.
Categoría D (5º e 6º Educación Primaria): Sara Infante Gándara e Nerea Pérez Muñoz, ambas do CEIP San Vicenzo.