- O acto celebrouse este xoves na Casa da Cultura
O alcalde do Concello da Laracha, José Manuel López Varela, e a concelleira de Cultura e Ensino, Patricia Bello, entregaron este xoves os premios aos gañadores dos concursos de postais e contos de Nadal organizados polo Concello e nos que participaron alumnos dos tres colexios do municipio. O acto desenvolveuse na Casa da Cultura da Laracha.
En todos os casos os premios consistiron en libros, material educativo e xogos adaptados ás idades dos gañadores. O xurado que valorou todos os traballos presentados e outorgou os premios estivo formado por persoal técnico municipal e representantes dos CEIPs Otero Pedrayo da Laracha, Alfredo Brañas de Paiosaco e Caión.
Premiados no Concurso de Postais
Categoría A (educación infantil)
• Aula de 4º do CEIP Alfredo Brañas
• Aula de 5º do CEIP Otero Pedrayo
• Aula de 6º do CEIP de Caión
Categoría B (primeiro ciclo de educación primaria)
• Naia Abeleira (2ºC do CEIP Otero Pedrayo)
• Yosra Zekraoui (2ºA do CEIP Otero Pedrayo)
• Xela Torreiro Gómez (1º do CEIP Alfredo Brañas)
Categoría C (segundo ciclo de educación primaria)
• Helia Pérez Vicente (4º do CEIP de Caión)
• Román González Otero (4º do CEIP Alfredo Brañas)
• Martín Martínez Pita (3ºA do CEIP Otero Pedrayo)
Premiados no Concurso de Contos (dirixido a estudantes do 3º ciclo de primaria)
• Inés Suárez Boquete (5º do CEIP Otero Pedrayo) por Rumbo antes de Nadal.
• Daniela Añón Nogueira (6º do CEIP Alfredo Brañas) por Juguetes Navideños.
• Marcos Rodríguez Pérez (6º do CEIP Alfredo Brañas) por La ilusión 2021.