Equilibrio e Identidade | As propostas do Bergan para gañarlle ao Arenteiro


O Bergantiños ten ganas de reencontrarse coa vitoria no encontro correspondente á terceira xornada tras sufrir unha derrota contra o Arousa no partido anterior, desta Segunda Fase da Terceira División, por un resultado de 3-1. Desde que empezou a competición, os locais venceron nun dos dous encontros xogados ata o de agora e lograron marcar 41 tantos a favor e 21 en contra. O Arenteiro ven de gañar os seus dous últimos partidos da competición contra o Polvorín no seu feudo e o Somozas fóra. O adestrador do conxunto carballés, José Luis Lemos, afirma na previa que “a proposta do Bergan é facerlle dano a este equipo, atacalo e que esté incómodo”. “É un equipo (o Arenteiro) moi recoñecible que basa todo nunha solidez defensiva, é un bloque”. “Temos que restarlle efectividade e ser contundentes en determinados momentos e non perder o que somos nós. Temos que buscar ese equilibrio”.