Primeira xuntanza entre o PSOE e Esquerra Republicana para falar da investidura. Os 13 deputados cataláns son imprescindibles para que Pedro Sánchez poida ser presidente. Pero polo momento, os republicanos mantéñense no non. Nin sequera barallan absterse coma no mes de xullo. Aseguran que a sentenza do procés cambiou todo, e que o PSOE non terá o seu apoio se non abandona, din, a vía represiva. Sánchez, que non quería depender dos independentistas para gobernar asume agora que lle farán falta. Bildu e a Cup apostan por consensuar unha postura común do soberanismo con vistas á investidura. Ademais dos nacionalistas, o PSOE precisa pechar acordos con outros partidos minoritarios. Este xoves reuníronse co deputado de Teruel Existe, que a priori, está disposto a apoiar a investidura.
39