O ministro de Inclusión, Seguridade Social e Migracións, José Luis Escrivá, sinalou que «queremos chegar a todos aqueles posibles perceptores que aínda non están a recibir o Ingreso Mínimo Vital (IMV) para que se animen a solicitalo». Na presentación en Madrid do autobús que vai percorrer España para informar os cidadáns sobre o IMV, o ministro insistiu en que esta actuación, que se insere na campaña informativa «é o mínimo», busca estender o alcance desta prestación, para asegurar que todas as situacións de pobreza e exclusión se vexan atendidas. Engadiu que precisamente «o IMV é a política máis decisiva que se puxo en marcha en España en décadas para acabar coas situacións de pobreza severa e, con pasos como este, seguimos traballando nese obxectivo de lograr a plena integración das persoas que están en exclusión social». O ministro cualificou esta medida como «innovadora e proactiva».
39