España promete un fondo de oito millóns de euros aos países limítrofes con Ucraína que están a facer fronte á acollida de refuxiados da guerra. De visita en Moldavia, un dos países fronteirizos máis afectados, o presidente do Goberno, Pedro Sánchez, ofreceuse a acoller a 2.000 dos 80.000 ucraínos que se atopan actualmente neste país.
«Xa chegaron 30 toneladas de axuda con material para atender aos cidadáns procedentes de Ucraína. Destinaremos 8 millóns de euros aos países de acollida limítrofes con Ucraína, incluído, loxicamente, Moldavia, ofrecémonos tamén a acoller a dous mil ucraínos que están actualmente en Moldavia», anunciou Sánchez.
Sánchez quixo tamén lanzar unha mensaxe de «solidariedade» con Moldavia e de «rexeitamento claro a calquera violación do dereito internacional», en referencia á rexión separatista de Transnistria e á presenza militar rusa no país. «Hoxe estou en Moldavia para transmitir unha firme mensaxe de apoio e reiterar o noso compromiso de solidariedade coas autoridades e o pobo moldavo nun momento de gran dificultade e tensión política internacional», reiterou».