A selección española masculina de fútbol vence nun complicado encontro á Federación de Fútbol de Kósovo por 0-2. Unha vitoria que, sumada á de Grecia sobre Suecia por 2-1, volve meter a España na loita pola primeira praza da fase de clasificación para o Mundial de Catar 2022. O próximo mes a súa ‘xanela’ será a Final Four da UEFA Nations League. O seleccionador español, Luís Enrique, tiña a papeleta de elixir entre dous que sobresaíron contra Xeorxia: Llorente e Soler. Resolveuno mandando ao primeiro ao lateral dereito en lugar de Azpilicueta.