A subsecretaria do Ministerio do Interior, Isabel Goicoechea, e o director de Migración e Vixilancia de Fronteiras de Marrocos, Khalid Zerouali, presidiron en Rabat a reunión da Comisión Mixta Hispano-Marroquí de preparación da Operación Paso do Estreito (OPE) 2022. O encontro en Rabat serviu para ultimar os detalles do Plan Especial de Protección Civil para a OPE 2022, que se pechará nas próximas semanas, e no que se recollerán todos os aspectos necesarios para o desenvolvemento do dispositivo, con especial atención este ano aos controis sanitarios derivados do impacto da Covid 19. «A Operación Paso do Estreito é un exemplo de boa coordinación entre países veciños», sinalou a subsecretaria durante a súa intervención. O último encontro da Comisión Mixta celebrouse en Madrid o 21 de maio de 2019. A reunión enmárcase dentro do proceso de execución da folla de roteiro deseñado no encontro mantido o pasado mes de abril polo presidente do Goberno, Pedro Sánchez, e o Rey de Marrocos, Mohamed VI.
30