O Consello de Ministros acordou este martes decretar loito nacional durante dez días desde este mércores, como tributo aos máis de 26.800 falecidos pola pandemia, de quen o presidente do Goberno, Pedro Sánchez, asegurou que «o seu recordo permanecerá sempre» cos españois.
Trátase do período de loito máis prolongado durante a democracia, o que fará que a bandeira nacional quede a medio mastro en todos os edificios públicos e buques da Armada.
Na conferencia de prensa posterior ao Consello de Ministros, a portavoz do Executivo, María Jesús Montero, afirmou que as miles de vítimas supoñen «moito máis que unha cifra».
«Detrás de cada falecido hai unha historia vital repleta de soños, esperanza, superación ante as adversidades, crecemento persoal, constancia e exemplaridade», co seu sacrificio e a pesar das dificultades, «traballaron de forma dura para sentar as bases do Estado social e de dereito» que puideron gozar xeracións posteriores, dixo a portavoz do Executivo.