España recibiu en 2022 máis de 80 millóns de pasaxeiros aéreos internacionais (80,4 millóns), recuperando o 85% dos viaxeiros que chegaron en 2019, segundo os datos difundidos por Turespaña.
En decembro, os pasaxeiros procedentes de aeroportos internacionais alcanzaron os 5,7 millóns, polo que se recuperou o 95% dos pasaxeiros prepandemia.
Para a ministra de Industria, Comercio e Turismo, Reyes Maroto, estes datos demostran que «2022 foi o ano da recuperación do noso turismo. Vímolo coas excelentes cifras de emprego feitas públicas onte, con récord de afiliados no sector turístico, e vémolo hoxe coa chegada de pasaxeiros internacionais, que garanten a fortaleza do sector e anticipan un 2023 de récord, un ano que ademais marcará a transición definitiva cara a un modelo turístico de calidade».