O ministro de Agricultura, Pesca e Alimentación, Luís Planas, mostrouse satisfeito coa previsible adopción a partir de 2024 dun sistema de totais admisibles de capturas (TAC) de pesca de carácter plurianual -no canto de anual, como ata o de agora- para determinadas especies.
Será durante a Presidencia española do Consello da Unión Europea (UE), no segundo semestre deste ano, cando se avance nesta medida, segundo indicou Luís Planas, durante a súa participación en Luxemburgo no último Consello de ministros de Agricultura e Pesca baixo a Presidencia sueca.
Planas lembrou que foi España a que propuxo un sistema de cotas de pesca plurianuais para as poboacións de augas comunitarias, co obxectivo de aumentar a eficiencia e a previsibilidad da actividade da frota europea. O feito de que a Comisión Europea (CE) aceptase esta proposta mostra que «podemos iniciar esta andaina con visión de futuro e espírito construtivo durante o próximo semestre».