As previsións que daban a vitoria a Ucraína na 66 edición do festival de Eurovisión cumpríronse, nunha gala que estivo marcada por un valor moi importante: a paz. O devandito, non eclipsou a actuación estelar e o éxito da representante española, que se viu reflectido tamén nas votacións, pois o xurado de expertos de toda Europa deulle un total de 231 puntos, colocándoa en terceira posición. Este bronce mantívose tras o televoto, onde Chanel sumou 228 puntos máis e quedou nun total de 459 puntos. Por encima dela quedou Ucraína, a gañadora, con 631 puntos; en segundo lugar estivo Reino Unido, con 466. E o top 5 complétano Suecia, con 438 puntos, e Serbia, con 312.
