En decembro, a inflación española caíu ao 5,7%, é dicir pouco máis dun punto por baixo da taxa de novembro. Uns datos que sitúan a España por baixo das principais economías europeas como Italia (12,3%), Portugal (9,8%), Alemaña (9,6%) ou Francia (6,7%), segundo os últimos datos de Eurostat. O abaratamento dos prezos das vivendas, dos carburantes e do transporte son as principais causas desta taxa de inflación. Á súa vez, a baixada de prezos débense ás medidas adoptadas polo Goberno de Pedro Sánchez, como o desconto obrigatorio de 20 céntimos por litro de gasolina e gasóleo para todos os consumidores e a bonificación do transporte público.