España seguirá crecendo por encima da zona euro, que tamén ve melloradas as súas previsións deste ano e empeoradas as de 2023. O conxunto das economías do euro crecerá o 3,1% este ano (cinco décimas máis do previsto anteriormente), pero resentirase máis do esperado en 2023, e só avanzará o 0,5% (sete décimas menos do estimado en xullo). O débil crecemento de 2023 en toda Europa, sinala o FMI no seu informe, «reflicte os efectos secundarios da guerra en Ucraína, con revisións á baixa especialmente pronunciadas para as economías máis expostas aos cortes da subministración de gas ruso e condicións financeiras máis estritas». Alemaña, a primeira economía do euro, sofre unha das peores estimacións de crecemento este ano, o 1,5 %, e o FMI mesmo a coloca en recesión en 2023, cunha caída do 0,3 %. A invasión rusa de Ucraína continúa desestabilizando «poderosamente» a economía global e en Europa levou a unha «grave crise enerxética», lembra o FMI.