37
A Casa Branca anunciou este martes o inicio do proceso para retirar a Estados Unidos da Organización Mundial da Saúde (OMS), un paso que se fará efectivo dentro dun ano e que chega en plena pandemia polo COVID-19. «O aviso da retirada de Estados Unidos, que se fará efectiva o 6 de xullo de 2021, enviouse ao secretario xeral da ONU, que é o depositario da OMS», dixo un funcionario da Casa Branca, que pediu o anonimato. A fonte non deu máis detalles sobre o proceso de retirada, aínda que o presidente, Donald Trump, xa anunciou a finais de maio a súa decisión de «romper» con esa organización internacional e de canalizar os fondos que lle achegaba «a outras necesidades urxentes de saúde pública a nivel global».