Os presidentes dos Estados Unidos, Xapón e Corea do Sur; Joe Biden, Fumio Kishida e Yoon Suk-yeol respectivamente, asinaron este venres un pacto rexional de seguridade que formalizará o compromiso conxunto dos seus países coa estabilidade no Indo-Pacífico e co que se comprometerán a “consultarse” antes de tomar decisións militares. Supón a creación dun “teléfono vermello” para axilizar as comunicacións en caso de crise con Corea do Norte ou China. Ademais, este memorando é un paso máis da diplomacia estadounidense por frear a crecente influencia de China, a quen acusa de emprender recentemente accións “perigosas e agresivas” para apoiar as súas reivindicacións “ilegais” no mar de China meridional. Á súa vez, ambos os estados asiáticos cóbrense as costas ante as ameazas nucleares de Corea do Norte.
0