34
- A actuación servirá para dotar de saneamento e recollida de pluviais á zona
O Concello de Camariñas iniciará este luns as obras para renovar o camiño na zona dos Mollados, na parroquia de Xaviña. A actuación, valorada en 50.076,55 euros, servirá para mellorar o firme e dotar de máis servizos á veciñanza.
Os traballos inclúen o desbroce e limpeza das cunetas e o reasfaltado da vía. Previamente tamén se procederá á instalación dunha rede de saneamento e outra paralela para a recollida e evacuación de augas pluviais.