A evacuación da fábrica Azovstal de Mariúpol, porto asediado no sueste de Ucraína, «comezou» e un centenar de civís diríxense a «territorio controlado por Ucraína», anunciouno o presidente ucraíno Volodímir Zelenski. Un portavoz humanitario da ONU detallou que a operación na planta siderúrxica estaba a realizarse co Comité Internacional da Cruz Vermella e en coordinación cos oficiais ucraínos e rusos. Segundo fontes ucraínas, na acería de Azovstal permanecen polo menos 500 civís e un milleiro de combatentes do Rexemento Azov, que forma parte das forzas armadas de Kiev. Ademais, nas instalacións atópanse medio milleiro de feridos, entre civís e soldados, sen acceso a tratamento médico e con reservas cada vez máis escasas de auga e alimentos.
35