0
Os Bombeiros de Cee interviñeron na madrugada deste martes para liberar a unha persoa que sufriu unha saída de vía no quilómetro 15 da AC-432, no lugar de Xaviña, en Camariñas.
O alertador, un particular que chamou ao fío das 2 horas, explicou que o vehículo quedara nunha finca e non observaba a ninguén saíndo do seu interior.
Rapidamente, desde o 112 informouse a Urxencias Sanitarias de Galicia-061, aos Bombeiros de Cee, á Garda Civil de Tráfico e aos servizos de mantemento das estradas.
Unha vez liberada a persoa, o persoal sanitario encargouse de evacuala ao hospital Virxe da Xunqueira de Cee.