Excarcerado un ferido tras unha saída de vía dun turismo en Corcubión

O accidente produciuse minutos antes das cinco da tarde deste luns na estrada que comunica Cee con Fisterra, ao seu paso por Corcubión. Un particular chamou á central de emerxencias informando de que un vehículo saírase da vía chocando contra unha casa. Debido á posición na que quedou o turismo, o ferido quedou atrapado e necesitou axuda para abandonalo. Os xestores do 112 alertaron aos Bombeiros de Cee, que acudiron ao lugar do accidente e fixeron uso do material de excarceración para liberar ao ferido. Unha ambulancia de Urxencias Médicas – 061 encargouse do seu posterior traslado ao Hospital Virxe da Xunqueira de Cee.