Os restos mortais de José Antonio Primo de Rivera saíron este luns do val de Cuelgamuros, tras 64 anos enterrados xunto ao altar maior da basílica, e foron trasladados por decisión da familia ao cemiterio de Santo Isidro (Madrid), onde se viviron momentos de tensión e altercados coa policía por un grupo de falanxistas que quería acceder ao recinto. A exhumación do fundador da Falanxe comezaron sobre as seis da mañá deste luns na basílica do chamado antes Val dos Caídos a porta pechada e sen presenza de autoridades nin de prensa, coincidindo co 120 aniversario do seu nacemento, e durou máis do previsto inicialmente. Estaba previsto que a exhumación durase entre dúas e tres horas, pero alongouse un pouco máis pola existencia de tabiquería coa que non se contaba e que tivo que ser retirada para poder continuar coa operación.
23