Os dous aeródromos militares rusos afectadas están nas localidades de Ryazan e Saratov, a varios centos de quilómetros da fronteira ucraína. Desde estas bases despegan avións utilizados pola forza aérea rusa para levar a cabo ataques contra Ucraína. Ambas as instalacións militares foron sacudidas por explosións na madrugada deste luns. Varias persoas morrerían. O portavoz do Kremlin, Dimitri Peskov acusou recibo dos feitos e asegurou que o presidente ruso Vladímir Putin está informado. Nas redes sociais rusas especúlase coa posibilidade de que Ucraína estea detrás das explosións. Mentres o presidente ruso, Vladímir Putin, inspeccionou a ponte de Crimea, danado nun atentado con coche bomba presuntamente cometido por Ucraína o pasado 8 de outubro. Nestas imaxes emitidas pola televisión estatal rusa, Putin percorreu o tramo reconstruído da ponte que une o territorio continental ruso coa anexionada península ucraína de Crimea.