O parque provincial de Betanzos interveu nun incendio industrial no Porto de Sada. A nave ardeu por completo, con cámaras frigoríficas no seu interior, producíndose o colapso do teito e parte dun lateral.
Mobilizáronse medios dos parques provinciais de Arteixo e Ordes, Emerxencias de Oleiros, o SEM de Sada, SMPC Betanzos e Medio Rural. Tamén participaron Garda Civil, Cruz Vermella, 061, Control de Verteduras e o alcalde de Sada.
No punto traballaron dúas autoescaleiras, catro vehículos de primeira saída, dúas nodrizas e dúas motobombas forestais. O incendio deuse por controlado sobre as 22:00 horas deste martes e por extinguido ás 01:45 horas deste mércores.