Foron o presidente e o vicepresidente das Canarias os que fixeron o anuncio tras reunirse coa ministra de Facenda en funcións María Jesús Montero. Aseguran que Montero se comprometeu a buscar fórmulas para pagarlles ás comunidades o que se lles debe antes de que acabe o ano.
Román Rodríguez, vicepresidente das Canarias: «as entregas á conta teranse que pagar si ou si antes do 15 de decembro, e ela sostén que o Goberno está buscando os mecanismos para facelo posible».
O PP anuncia que pedirá a comparecencia urxente da ministra Montero no Senado polo bloqueo do financiamento autonómico. Ciudadanos pide a súa reprobación por mentir sobre o informe da Avogacía do Estado.