34
Un home faleceu ao resultar esmagado polo tractor que manexaba nunha leira da súa propiedade situada na Pedreira, no municipio coruñés de Oza-Cesuras. A central de emerxencias do 112 Galicia recibiu unha chamada pasadas as 18,30 horas deste sábado na que se solicitaba axuda para a vítima, que se atopaba atrapado baixo a máquina. Desprazados ao lugar, os bombeiros liberaron o corpo da vítima, que xa falecera. Ademais dos Bombeiros e do persoal sanitario foron informados os membros do GES de Curtis e a Garda Civil.