Celso Parada faleceu este sábado aos 61 anos de idade por mor dun cancro contra o que loitaba desde comezos de 2018. Coñecido pola súa participación en series icónicas da TVG, como ‘Libro de Familia’, ‘Mareas Vivas’ ou ‘Pratos Combinados’, contaba cunha extensa traxectoria profesional, comezada nos anos 70 e que contou con fitos das táboas galegas como o seu monólogo de «O Lazariño de Tormes» que foi merecedor dun Premio María Casares. A súa carreira foi recoñecida tamén a nivel internacional, pois traballou coa compañía El Galpón en Montevideo, baixo a dirección de Bernardo Galli. Era licenciado el Filología Galego-Portuguesa e contaba cun máster en Arte Dramático.