0
Sobre as sete da tarde deste luns un vehículo colisionou cun establecemento situado na estrada de Castela en Ferrol. Nese momento o persoal de Urxencias Sanitarias de Galicia comunicaba o suceso aos xestores de Emerxencias. Desde o 112 Galicia solicitouse a colaboración dos axentes da Policía Local de Ferrol, e tamén avisaron os Bombeiros municipais e os membros de Protección Civil. Pouco despois os servizos sanitarios confirmaban ao 112 o falecemento do condutor do vehículo accidentado.