Silvio Berlusconi, faleceu este luns aos 86 anos no hospital San Raffaele de Milán, onde ingresara o pasado venres, por mor da leucemia que padecía. A morte do tres veces mandatario de Italia sela o fin dunha época tras máis de cinco décadas nas que o multimillonario magnate foi protagonista, deixando a súa pegada non só en política, tamén no mundo empresarial, da comunicación e o deporte. Aliados e rivais lembran ao ex primeiro ministro italiano como un dos personaxes máis relevantes da vida pública do último medio século. A primeira ministra italiana, Giorgia Meloni, rendeu homenaxe «ao loitador». A súa man dereita política, expresidente do Parlamento Europeo e actual ministro de Exteriores italiano, Antonio Tajani, plasmou nas súas redes sociais a súa «dor inmensa» polo seu falecemento.
37