37
José Guirao Cabrera faleceu esta pasada madrugada aos 63 anos no seu domicilio de Madrid tras unha longa enfermidade, segundo confirmou a Fundación Montemadrid. Fora nomeado ministro de Cultura por Pedro Sánchez en 2018 e ocupou o cargo ata o ano 2020. Previamente, fora director do Museo Nacional de Arte Reina Sofía entre os anos 1994-2000 e incorporárase á Fundación Montemadrid para traballar na apertura dun novo centro sociocultural. O presidente do Goberno Pedro Sánchez lamentou a morte do exministro de Cultura José Guirao, a quen se referiu no seu perfil de Twitter como «un home nobre e brillante».