Un operario perdeu a vida este sábado en Vilamartín de Valdeorras (Ourense) ao sufrir un accidente laboral mentres manexaba unha máquina cargadora. O vehículo precipitouse por un terraplén cando estaba a realizar tarefas de movemento de material, provocando o falecemento do traballador.
O suceso produciuse pasados uns minutos das 13:00 horas deste sábado. Foi outro empregado da empresa quen deu o aviso ao 112 Galicia, indicando xa na súa chamada que o home podería estar falecido.
De inmediato, desde o 112 Galicia informouse ao Servizo de Urxencias Sanitarias de Galicia-061, aos Bombeiros e GES de Valdeorras, á Garda Civil e a Protección Civil.
Unha vez no punto, os equipos de emerxencias unicamente puideron confirmar o falecemento do traballador.