0
O 112 Galicia tivo constancia do suceso trala chamada de alerta de diversos particulares ao fío do mediodía deste luns. Nesta chamada os alertantes indicaban que atoparan a un ciclista inconsciente caído no chan en Salcedo, Pontevedra.
Decontado, desde o 112 Galicia solicitouse a intervención de Urxencias Sanitarias de Galicia-061, dos Bombeiros de Pontevedra, da Policía Nacional e Local, da Garda Civil de Tráfico e dos membros de Protección Civil de Pontevedra.
Cando chegaron ao lugar, os servizos sanitarios só puideron confirmar o seu falecemento.