20
A vítima duns 50 anos, e único ocupante, conducía un vehículo tipo “boogie” segundo a información facilitada ao 112 Galicia. Sobre as 13:20 horas deste domingo, un particular informaba ao 112 Galicia dun coche envorcado na estrada que une Lorbé con Sada, á altura de Taibó, en Carnoedo, na localidade de Sada, e que a persoa podía estar atrapada no interior do vehículo. De inmediato, con estes datos, desde o 112 Galicia informouse ao Servizo de Urxencias Sanitarias de Galicia-061 e aos Bombeiros de Betanzos. Igualmente, foron informados os axentes de Tráfico, da Policía Local e os efectivos do Servizo Municipal de Protección Civil. Unha vez no punto, os profesionais sanitarios tan só puideron confirmar o falecemento do condutor.