Ocorreu na parroquia silledense de Dornelas e os servizos de emerxencias indicaban que o falecido sufrira unha indisposición previa ao accidente.
Eran as 11:15 horas deste domingo cando o persoal de Urxencias Sanitarias de Galicia-061 se puxo en contacto co 112 Galicia para informar do ocorrido: un coche sufrira unha saída de vía no desvío a Dornelas da estrada xeral de Silleda.
A Garda Civil de Tráfico e a Policía Local de Silleda desprazáronse rapidamente ao lugar, así coma o helicóptero medicalizado con base en Santiago, que foi mobilizado polos servizos sanitarios.
Malia os esforzos por reanimar ao home, o persoal médico acababa confirmando o seu falecemento.