A voz de alarma dábase a última hora da tarde deste martes, cando familiares e amigos non lograban contactar coa vítima e esta ademais non acudiu ao seu traballo habitual. As forzas de seguridade alertadas por unha denuncia interposta este mércores puxeron o foco de atención nun piso que o agora falecido habitaba en pleno centro da Laracha. Inspeccionada a vivenda atopáronse cun rocho pechado por dentro ao que tiveron que acceder tirando a porta abaixo. Alí atopáronse a esta persoa cunha ferida na cabeza e un arma de fogo ao seu lado. Evacuado de urxencia falecía ás poucas horas no hospital. A Policía Xudicial da Garda Civil investiga o ocorrido. O home, de mediana idade, era moi coñecido, aínda que natural de Bergondo, a súa familia política está ligada á Laracha e ao club de fútbol local.