Un home de idade avanzada perdeu a vida ao ser atropelado por unha fresadora e quedar aprisionado na máquina agrícola, en Cambados. Os feitos sucederon nunha leira do lugar de Castrelo.
O 112 Galicia tivo coñecemento do suceso a través do aviso dunha persoa particular que, segundo relataba na súa comunicación, o home atopábase nunha leira particular cando o alcanzou a máquina agrícola, que se estaba a desprazar cara a atrás.
A partir de aí, desde o CIAE 112 Galicia, requiriuse a intervención do persoal de Urxencias Sanitarias de Galicia-061, que, malia os esforzos, nada puido facer por salvarlle a vida ao home.
Ademais, os xestores do 112 Galicia mobilizaron ao Servizo Municipal de Protección Civil, á Policía Local e á Garda Civil.