52
Un motorista de 47 anos de idade faleceu a última hora deste sábado na estrada AC-552. En concreto, a moto que conducía seguiu recto na rotonda que dá acceso á AG-55 en San Román, A Laracha. O 112 Emerxencias Galicia mobilizou aos servizos de asistencia pasadas as 11:30 da noite, pero á súa chegada tan só puideron certificar o falecemento do motorista, un veciño de Arteixo. A Garda Civil de Tráfico desprazada ao lugar levantou o correspondente atestado e investiga as causas do suceso.