Conmoción en Lira, en Carnota, pola morte dun veciño seu nun atraco en Francia, foi localizado con diversos golpes na cara e «sen carteira, sen teléfono móbil e sen documentación». O falecido é un mozo de 31 anos, Antonio Mayán Costa, que traballaba para unha empresa eólica de Luxemburgo e desprazárase a principios da semana pasada a unha vila da Normandía, en Francia, para encargarse dun parque. Dende alí falou coa súa familia por última vez, e ao día seguinte xa non apareceu no traballo. Tardaron días en saber que era el un home que aparecera morto de forma violenta, seguramente nun atraco. En Lira, o seu lugar de orixe, recibiron a noticia con moita tristura.