Falece un veciño de Frades de 64 anos nun accidente de tráfico

O accidente tivo lugar na estrada que vai de Sigüeiro ao aeroporto Rosalía de Castro, no punto quilométrico 5 da AC-250, nel faleceu un home de 64 anos. Por causas que se descoñecen, o vehículo que conducía saíu da vía. O falecido ía só no coche. Os bombeiros de Santiago tiveron que excarcerar o seu corpo do interior do turismo. Investíganse as causas deste sinistro mortal. Desde o Centro Integrado de Atención ás Emerxencias (CIAE) 112 Galicia, tras recibir o aviso do accidente a través de Urxencias Sanitarias de Galicia-061, solicitouse a intervención dos Bombeiros de Santiago, da Garda Civil de Tráfico e de Protección Civil.