43
Os feitos sucederon en Mañón, despois de que tanto o agresor como un familiar se atopasen tras cargar un camión de madeira, momento en que a vítima se dirixe a eles, producíndose a continuación unha disputa. O agresor, supostamente, colleu un pau das ramas das árbores que se acababan de cortar e golpeou na cabeza ao agredido, caendo este a o chan e quedando inmóbil. Cando o agresor comprobou que a vítima non respondía tratou de auxiliarlle e chamou ao 061, acudindo ao lugar unha ambulancia que evacuou ao agredido ata o Hospital Arquitecto Marcide de Ferrol, desde onde foi derivado ao Complexo Hospitalario Universitario da Coruña. A Garda Civil confirmou na mañá deste xoves que esta persoa agredida, de 30 anos de idade, faleceu.