Unha muller de 80 anos morreu este sábado ao sufrir unha caída por un desnivel de nove metros cando estaba na leira da súa casa, situada en Caión, no concello da Laracha. O tráxico suceso, que activou o aviso ao 112, rexistrouse contra as 09:00 horas da mañá deste sábado no lugar da Pedreira. Sucedeu na vía que enlaza coa zona urbana de Caión. Agora investíganse as causas polas que a muller perdeu o equilibrio e se precipitou ao baleiro. Os servizos de emerxencia atoparon o corpo xunto a unha curva de elevada pendente e moi pronunciada. Ata o lugar desprazáronse axentes da Policía Local e da Garda Civil da Laracha, voluntarios de Protección Civil da localidade e sanitarios e persoal do 061. Só puideron certificar o falecemento da muller. Acto seguido, a autoridade xudicial ordenou o levantamento do cadáver.
17