Un home de avanzada idade faleceu este xoves en Meis nun accidente cun vehículo agrícola, quedou atrapado baixo unha póla e un pequeno motocultor co que estaba traballando nunha leira situada na parroquia de San Lourenzo de Nogueira. Cando chegaron os servizos de urxencias só puideron certificar o seu falecemento.
Unha veciña escoitou a chamada de auxilio do home, logrou chegar ata el e separalo do seu motocultor, pero afirma que só logrou apagar a máquina. Nin ela nin outros catro veciños puideron separar o home do aparello. Tiveron que traer un tractor e arrastrar a póla co vehículo.
Varios particulares alertaron do ocorrido o 112 Galicia, que á súa vez solicitou a intervención do 061, Protección Civil e Garda Civil. A pesar dos esforzos do persoal sanitario, a persoa afectada faleceu no punto.