Unha colisión entre un camión e unha furgoneta saldouse cunha persoa falecida no concello lucense do Páramo. Ata o lugar desprazáronse os Bombeiros de Sarria, que excarceraron á persoa falecida e atrapada no interior do vehículo.
Unha persoa particular chamou ao 112 Galicia para informar dun accidente entre un camión e unha furgoneta, na CG-2.2, ao redor do punto quilométrico 120, en Moscán. O alertante indicou que podía haber unha persoa atrapada.
Así, con estes datos, o 112 Galicia informou ademais de ao persoal sanitario, aos Bombeiros de Sarria e aos axentes de Tráfico. Así mesmo, requiriuse a intervención do persoal do servizo de mantemento da estrada.