A policía está investigando a morte de dúas persoas na tarde deste luns en Ourense.
Son unha nai de 70 anos e o seu fillo de 27. Ao parecer, tiráronse á estrada dende a pasarela da estación de autobuses. Un dos corpos caeu sobre un coche, sen que a condutora resultase ferida. O tráfico estivo cortado preto de dúas horas para que se puidesen retirar os cadáveres.
Na pasarela peonil apareceron pertenzas persoais dos dous. Nai e fillo chegaran de Barcelona e levaban uns días hospedados nun hostal de Ourense. Todo indica que podería tratarse de un suicidio, a policía está a traballar para intentar aclarar que foi o que sucedeu.