0
O presidente da Xunta de Galicia, Alberto Núñez Feijóo, anunciou que “Galicia vai ter o seu propio plan de vacinación contra a covid-19”. Vaino ter, dixo, cando as vacinas que anuncia o Goberno central cheguen de xeito efectivo a Galicia, nese sentido o Sergas fará o que digan os profesionais, porque “quen vacina son os médicos, non os políticos”. Feijóo garantiu que Galicia está “en disposición de vacinar á xente”, porque dispón de “un excelente equipo” de profesionais.