Alberto Núñez Feijóo pediu tempo á presidenta do Congreso para preparar o encargo do rei e Francina Armengol concedeullo fixando a investidura o 26 e 27 de setembro. Agora, o líder do PP ten exactamente un mes para reunir os apoios necesarios para converterse en presidente do Goberno, esto é, 176 votos afirmativos en primeira volta ou máis ‘síes’ que ‘nons’ en segunda.
O dirixente popular comezará este luns a rolda de contactos con todos os grupos, salvo EH Bildu, co fin de conseguir os catro votos necesarios para armar a devandita maioría. Paralelamente, o PSOE iniciou xa as conversacións cos seus socios habituais, en previsión de que a investidura de Feijóo non saia adiante, paralelamente, tamén negocia con «discreción» cos independentistas, cuxo apoio é imprescindible.