Menos dunha semana despois de encaixar a maior derrota electoral da historia do partido, o líder do PP, Pablo Casado, e o presidente da Xunta de Galicia, Alberto Núñez Feijóo, coincidiron este sábado nunha romaría dos populares galegos no Pino (A Coruña). Ante os seus, o dirixente galego atreveuse a lanzar unha advertencia ao presidente nacional do seu partido, que desde o seu triunfo nas primarias emprendera un xiro á dereita e achegouse aos postulados da extrema dereita de Vox: «O PP é un partido amplo no que non cabe o pensamento único nin intransixente». Ademais fixo un chamamento aos votantes moderados de Ciudadanos, Vox e mesmo do PSOE para sumarse ao proxecto do PP. Pablo Casado apela desde Galicia ao «peche de filas» para a «remontada» o 26M cun PP «Centrista» e «aberto».
38