Durante un acto de partido en Málaga, Alberto Núñez Feijóo respondeu así ao anuncio de Sánchez, quen o sábado defendeu ante o Comité Federal a necesidade da amnistía en Cataluña «polo interese de España». Feijóo, asegurou que a amnistía aos líderes independentistas procesados polo 1-O «non se negocia en nome de España» senón en nome de Pedro Sánchez e afirmou que o presidente do Goberno fai da súa necesidade de negociar esta medida de graza «un problema para todos os españois».
Para Feijóo, é de unha «profunda covardía» que Sánchez someta «ao aplauso» do Comité Federal do PSOE a amnistía, xa que está formado por cargos «cuxo soldo depende» do líder socialista. Por iso, volveu a pedir que sexan todos os españois -«aqueles que non dependen do soldo de Sánchez»- quen vote esta medida. Con todo, advertiu de que o presidente en funcións «fará todo o posible por evitar as urnas» porque sabe que «ningunha maioría de españois quere esta lei» coa que se pretende «exculpar aos que delinquiron», concluíu.